2011-06-15

غريب

بعد البعد..
لما كل شخص فينا راح وابتعد..
ومرت أيام, وأسابيع, وشهور أسرع مما كنا نعتقد..
نجتمع تالي بموعد, وإلا صدفة من غير ما نستعد..
أطري كل اللي انشغل بالي بذكراه..
صورةٍ, صوتٍ, وإلا عطرٍ, أو حتى تحاياه..
شي منه يظهر إنه تغيّر, وشيٍ ما أعرفه مدسوس بخباياه..
سالفة تنقال وترجي ضحكته وما تنال منه غير دمعته..
ما هو بسهولة انتقلنا من حالٍ إلى حال..
لأجل علمك ترى.. ما يسكن الأشياء مارد من تمسح عليه يطلع يقول اطلب أمرك مستجاب, هات ما عندك وكل ما تريد..
الحياة تطلب منا تضحية..
مرة ناخذ, مرة نعطي, ومرة نتفرج من بعيد..
بعضنا يصنع من حياته تاريخٍ جديد..
وبعضنا الثاني هو للماضي يعيد..
كثر ما تغيّرنا وتغيّرت الأيام فينا..
صار كل منا للثاني غريب!

12 comments:

ساره النومس said...

اااه ياربي يت بوقتها هالخاطرة :(


مشكورة عزيتيني بصراحة

BookMark said...

الله!
"الحياة تطلب منا تضحية"
ولا أي شي ثاني

جميلة :'*

Reem AlHajri said...

غريب جداً ..

فاطمة الابراهيم said...

عالجرح!

الجودي said...

صعبه و نفس عميق أخذته
مع كلماتج حسيتها طالعه من قلبج واحساسج عالي فيها

وصلة و الغربه بيننا حسيتها

اتمنى اتكونين بخير

:*

Unknown said...

كلام كبير
شعر وقصة وحكمة ورسمة كله في ان واحد
صح لسانج سيما

خاتون said...

السلام عليكم...

صح لسانج
وبالهندي ..فوا فوا فوا
حقيقة

موفقة دوم^_^

Al Pacino said...

"ما يسكن الأشياء مارد من تمسح عليه يطلع يقول اطلب أمرك مستجاب"

أخّيييييييييييييييييييه ..

إي والله صدقتي ..

تسلم هالأنامل المغرّده والله ..

Antonio said...

الله على راوئع الكلام الحكيم

افتقد احساس سيما من زمان

وها هي لاحساسنا تعيد

دائما اجد هنا كل جديد

سيما يا سيما

تقبلي

اطيب الامنيات

صفحات مُلطخّة بحروفي said...

سيما ،
أحب فلسفتج بالحياة ، وبكل شي ..
والأحلى إنّها تجسدت بشعر هالمرة ..
-
(f)

لولا الأمل said...

أول مرّه أتذوق جنون اللهجة العاميّة هنا

جميل عليك هذا اللباس

كل المودة
لولا الأمل

may said...

جمال يخفي يثير بعضا من جروح قديمة

:(